strengi wuche bim simonius und jetz schwitzi chli bi 30 grad z'singapore

hey hou

jetz isches scho wieder verbii, sitze do z'singa uf de flughafeterrasse und luege am bier bim verdunste zue. puuuuhhh...

mir hend ues no e wuche bim keele iiquartiert und ussert biertrinke eigentli noed vil gmacht. mol g'shopped und die 12 apostel im dunkle aaglueget. aber was soells, isch sehr gmuetlich gsie.

jetz hani noch 7 stund fluege gad nomol 12 vor mir. fuer die wos interessiert, chume am do 31. mai am morge am 7.50 in zueri ah. isch noed so e gueti abholziit....

aber so am spote nomitag fahrt denn de broesi au iihh und s'git no zopf und mostbroeckli uf mutter wyrsch's balkon.

freu mi uf eu alli!!

sulfi a.k.a schweiz 2

heisswasser, northlands und de sulf als obersurfer

so jetz simmer scho fast am schluss vo uesere reis aglangt. mir sind in auckland und goend morn uf de flueger uf melbourne zum schliimiboy. die letschte taeg uf de nordinsle simmer no ganz in norde ufegfahre. z'erst an hot water beach, wo heisses wasser am strand us em sand use lauft. wemmer e schufle mietet, chamer sich en pool grabe und friedlich baedelae. oder mer chan au erst chli spoeter cho, so churz vor de fluet und denn eifach wien en pascha i di scho vorgrabene pools ineliege. das vorgehe gseht uf em bild:

de christian und ich am pool-schmarotze

nocher simmer denn no is northland ufegfraest und hend 3 naecht im paradiesische ahipara verbrocht. notuerlich simmer de 90 mile beache ufegfahre (leider mit emene bus, mietautos sind noed erlaubt) as cape reinga. und ich bin sogar ein tag mit me andere schwiizer no go surfe. leider isch s'bewiisfoti no uf em heiner siner kamera, aber da chunt no.

jojo und jetz sitzemer im gar noed emol eso schoene auckland und wartet uf de flueger.

das isch es wieder gsie mit trix und gaex tschau zaemae

PS: am thomas sini band FreakyFunkyBeerDoze macht am myCoke music contest mit, stimmet doch fuer si ab hend no bis am mittwoch ziit! (was isch denn huet en fuer en wuchetag???)

tongariro crossing und whitwwater rafting in rotorua

hey hou, noch 3 taeg wellington simmer denn wiiterzoge zum chli uf de vulkaen go spaziere. am fuess vom mount doom (LOTR) hemmer de christian (vo wellington) wiedertroffe wo brav uf ues gwartet het. nocher simmer z'rotorua chli in heisse baech go beadelae und und de chris und ich sind no go rafte. mir sind de hoechste kommerziell raftbare wasserfall abegstuerzt, huiii.... so das wars.

living in peace - bye bye suedinsel

die letschte teag uf de suedinsle sind verbii. mir hend nochli chillt im niemandsland in karamea. doet gits en coole hippiebackpacker namens rongo wo alles allne ghoert. me doerf eifach nie unbedacht sache esse wo eim e barfuess rastafrau zur begruessig choched ;-) wenner wuessed was i meine.... sie hend doet sogar e backpacker eigni radiostation wo mer chli go dj spiele. wells so ab vom schuss isch gits kei andere radio doet und ihren chline piratesender mag immerhin 50 km wiit, aber zuelose tueend denn au nur d'haengers im rongo. goends eu mol go inezieh:

www.livinginpeace.com
nocher simmer nochli im abel tasman nationalpark umeduemplet. i han mer de ganz fuess de laengi no ufgschlitz am strand (aaaauaaaa!!!!) und bin jetz de captain humpelbei...tja...hani echt no e starchrampimpfig... aber go kayake hemmer denn glich choenne uf em meer am rand vom abel tasman. nice!!!


obe gseht mer no de worldfamous split-apple rock

vorgester simmer denn uf d'faehre uebere uf wellington wo immer nochli umehaenged. endlich wieder mol chli stadt. mir wohned im abgfucktischte backpacker wo mer jeh gsie sind, aber d'luet doete sind sehr gmuetlich. isch chli wie e grossi wg. so und jetz muess i hei, mir goend no alli mitenand in uusgang a d'students-night.

bis bald emol...

Natur und more LOTR und Monteith's brewing Co.

hey hou daheimgebliebene im real-life
mir hend ues chli die spektakulaer natur inezoge und sind zum biispiel im milford sound gsie go boetle (fjord) und chli go wandere im urwald. i han sogar e liane gfunde.

ich tarzan, du jane...

notuerlich hemmer no meh LOTR locations bsuecht, u.a. d'deer park heights wo en grossteil vo de szene in mittelerde dreiht worde sind. da isch so en huegel bi queenstown. mer het muesse 20 stutz zahle zum ufefahre, do simmer halt gloffe. het sich uf jede fall glohnt. do gseht mer zum biispiel de felse wo de aragorn drueber abe gheit mit em warg zaemae.

gester simmer no i d, brauerei in greymoth. resultat: feins bier probiert (7 versch) und noobrand....

alli fotos gits uf

www.hewy.ch

cha leider kei bilder in blog tue, scheiss internetverbindig...

tadah...